إن رباً كفاك ماكان بالأمس سيكفيك في غدٍ ما يكون إلى كل من عنده هم

[أفاق الفكر]

بسم الله الرحمن الرحيم
السلام عليكم ورحمة الله وبركاته

إن رباً كفاك ماكان بالأمس سيكفيك في غدٍ ما يكون إلى كل من عنده هم

إلى كل من عندها هم يثقلها
معطل لحياتها
كارهه لأجله دنياها
أقولها وأقول لنفسي قبلها

محد بالدنيا يستاهل

ياجماعه ولا شي بالدنيا يستاهل
الدنيا ماتساوي جناح بعوضه
أنتي ومشاكلك واحزانك وأفراحك وبلاويييييك كله ما يساوي جناح بعوضه

محد يستاهل أصيح عشانه ولحد يستاهل احزن عشانه وأوقف حياتي لعيونه

الدنيا ياجماعه فاانيه
فانية
فانية

يعني بيوم من الأيام بموت وبيحطوني بالقبر
وبنسأل
وش بقول
وش بقول
أنت يارب بليتني وانا كنت انعي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبية أصيح عليها
ياجماعه الدنيا تمشي
وإذافي توقف
فهو احنا اللي واقفين
القي كل همومك ورا ظهرك وخلي شعارك
محد بالدنيا يستاهل
لا أهل ولوا وجفوك
ولا زوج بهذلك
ولا صديقه جفت فيك
الدنيا عند الله جناح بعوضه بس
يعني حتى مو بعوضه
حقيييره ياجماعه

احتسبي كل بلاء عند رب العالمين

واحمدي ربك على كل نعمه أنتي عايشتها
حنا في نعمه والله مو حاسين

كافي انك تمشين وتحركين أيدينك ورجلينك
مافكرتي يوم تقولين الحمدلله
يارب اني أمشي مش أتسحب من كرسي لسرير وأشوف نظرات الشفقة تحرقني
احمدي ربك على كل نعمه أنتي فيها
المال
تأكلين تشربين تشترين تتسوقين تلعبين بالفلوس بيدينك ورجلينك عايشه بأمن وأمان
وتقولين يارب وش هالدنيا الغثا
فلانه ضيقت صدري وعلانه سوت
وواختي سببت لي مشكله ولا أمي ولا أبوي
أنا ما أبي الدنيا كرهت العالم

احمدي ربك عشان ما يسلب نعمته عنك
وصلي لك ركعتين عشان ربي يرحمك
ويرفع عنك ضره

احمدي ربك على العافية والله يابنات اني كنت يوم من الأيام ضااايقن صدري من موقف صار لي مع وحده بالمركز
وأنا أمشي كارهه الدنيا ومغتمه
وكان في قدامي ثنتين أشوفهم يتكلمون بس اللي لاحظته إن حركة أيدينهم كثيرة ومو طبيعية
ولمن قربت اكتشفت إنهم
ثنتيناتهم





صم وبكم



ما يتكلمون



بنات صغار عمرهم بلعشرين والدنيا قدامهم مايتكلمون

محد يفهملهم

والله اني استحقرت همي ونفسي


قلت يارب انت أنعمت علي انا كل يوم أتكلم مع أهلي .. هم لأ

أنا إذا بغيت أصرخ صرخت .. هم لأ

أنا أسولف مع ربعي أضحك أقهقه أبكي أنكت أنشد أتعرف على كل الناس أتكلم مع أمي أبوي .. هـم لـلأ

كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا ضايقه ولحد يكلمني
مالي خلقكم
ولحد حاس فيني

والله ماشي بالدنيا يستـــأهل

إذا عندك هم صلي ركعتين واطلبي ربك يفرجها
لاتذلين نفسك لخلقه
ترى كلهم ضعاف
مرح يسوون لك شي
واحتسبي الأجر
احمدي ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامة يتمنى ان جسده قرض بالمقاريظ
حنا المرض الخفيف ما نتحمله
احمدي ربك على كل بلاء
لأنه خير والله لك
وأنتي اللي في النهاية بتلاقينه حسنات

ولأن الدنيا ماااشيه
وبتنتهي بيوم من الأيام

ومرح تبقى كل النعم اللي اليوم أنتي تطولينها
مرح يبقى إلا عملك

حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأني الله يعلم بتقصيري
وقلة صبري
وضعفي

ياجماعه والله الدنيا ماتسوى أبكي على شي منها
لامتاع ولا مال ولا فلان ولا علان بينفعوني
ولحد بالدنيا يستاهل

صبرنا قليل ياجماعه
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص




إذا ارتفعت حرارتي ماتحملت وقعدت أون تالي الليل

وبلال كان يضرب بالصخرة العظيمة الحارة بصحراء مكة
وهو يقول
أحــــــــــــدٌ أحــــــــــــــــد
شنو له من الأجر عندالله

ياجماعه فكروا بس شنو سويتو؟

شنو البلاء العظيم اللي مريتي فيه واللي بيكفر لج ذنوبج
هذا طبعاً إذا احتسبتي الأجر وماكسبتي زيادة سيئات بالقنوط
وسوء معاملتج لأهلج والعالمين


أنتي عندك مشكله مع زوجك؟
بلاء في واحد من عيالك؟
مشكله مع صديقه؟
جفاء شخص تحبينه؟
ابتلاء في أمك وخواتك؟
عندك أب أو زوج أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميلة دراسة .. عمل؟
حالتك المادية سيئة؟
فيك مرض مزمن خطير؟

أقول في كلا الأحوال احمدي ربك إنك مش في فلسطين ولا العراق
عرضك مستباح
دمك مستباح
تصبحين خايفه وتنامين تعدين عيالك قبل يفجعك الصبح الثاني
بواحد منهم

احمدي ربك إذا أصابك واحد من هالإبتلاءات إن ربي رفع عنك بقيتهم

إذا أصبتي بالتهاب في الحلق فاحمدي الله أنك لم تصابي بسرطان في البلعوم

وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر )

وإذا أصبتي بمرض في عينيك فاحمدي الله أنك لم تصابي بالعمى

حنا في نعمه
ليه نجحدها؟
ليه ننكرها؟

ونخلي ربنا يسخط علينا

ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم ذلك

في الثلث الأخير من الليل كل يوم ربي ينزل للسماء الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
شنسوي؟
فكري بجد
قاعده على النت تتصفحين
ولا تسولفين مع ربعك عالماسنجر
ولا قعدة أهل
ولا نااااايمه
وربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله
هو ملاذك
اشكي لــــه
كل شي
مشاكلك الكبيرة والصغيرة
الصحابة كانو يسألون الله حتى في شراك النعل
وربي إن ما أجاب دعوتك ألحين
بيثيبك على دعاؤك
وبتاخذين أجر من إيش؟ مجرد سؤال
وبيبرد على قلبك

ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك أنت

ليه؟

يبي ينكد حياتك؟
لاوالله
لأنه يحبك
ربك يحبك
في أحلى شعور من هذا

بلاءك مايزيد من ملكه شي سبحانه
ولا ينفعه بشئ
ينفعك انت

ربك يحبك
يبي يجمع لك رصيد
تلقاه بعدين

ربك هو الذي بلاك ماتستحي تشكي لغيره ؟
وتعصيه وهو أكرمك بابتلائه؟

أسأل الله أن يرفع عن كل قارئ كربه ويفرج له كل ضيقه

ويفتح على قلبه ويهديه وييسر أمره ويكشف ضره

إنه سميع سبحانه مجيب الدعاء



إن رباً كفاك ماكان بالأمس
سيكفيك في غدٍ ما يكون

منقول عبر الاميل

التوقيع :

لا اله الا الله رب السموات السبع ورب العرش العظيم