قصيده في الام : بوصيك في أمك ترا الأم نعمه
قصيده في الام
بوصيك في أمك ترا الأم نعمه
يا حظ من له أم عايش معاها
قبّل راس أمك وضمّه ولمّه
وادعي لها في وجهها ومن وراها
وإن شفتها متضايقة ومستهمه
لا تروح عنها لين تكسب رضاها
وإذا نادت لك قول : لبيّه يمّه
حذراك تتجاهل واسمع نداها
والله يصبر من فقد شوفة أمّه
عساه في الجنات يحظى بلقاها
والله الحياة اللي بلاأم ظلمه
والأم هي نور الحياة وضياها
الله يرحم من كانت امه تحت الثرى
ويحفظ من كانت امه على قيد الحياة