من الموروث الشعبي الاماراتي (أغاني أطفال)
هذي بعض الاغاني التراثيه الاماراتيه واللي كانت البنات ترددها وهن صغار أثناء اللعب
بصراحه روعه وأتمنى من الاخوات هنا يزيدن عليها بلي يحفظنه من الاغاني زمان
(الله يخلف على عيالنا مايعرفون يغنون غير أغاني نانسي أه وبوس الواوا وغيرهاا)
Cant See Images
يا بنيه موتي غصه000اذا انا مريت
انا سلبت فوادج 000في السكه واتليت
يالغرفة يا الشرجيه000 بناها بو علي
حق عاشه البدويه000بنت محمد علي
عيال عمي سبعة000خلوني باتنقى
نقيت بو طاقية 000بو يوخه ما رضى
زامط عليه بخشمه000يا خشم اليوحره
خشمي طويل وغاوي000شفته في المنظره .
حيا الله اللي يباني000يسلم العشره
يا بنية ما دريتي 000عن خطار لفوج
قالت لفوني غبشة000على خيول وبوش
مصلين الجمعه000صقر ولد الشيوخ
يالس على الدجيجه000يالس ويعد فلوس
يا الطاسه يا المخبوقه000ما ضمتها الفلوس
يا فاطمة بنت راشد000يا شيخة البنات
انتي قصيره وبيضا000والخشم مكعبات
يا قصة يانثرية000تنثر على الحياة
يا عليا قومي ركبي000بيقودبج علوه
المطرح والزوالي000جدامج ربعوه
نهار ما صبحتي000المدفع ثوروه
الحلوى في القواطي000 والنخي نثروه
ولد عمي ما بغاني000تنقى علي واختار
تنقى ام السلاسل000ام الشغاب الطوال
حلفت انا لزامط 000بالند وبالبياض
Cant See Images